ۇكىمەتتىك ەمەس ۇيىمدارعا ارنالعان سىيلىقاقىلاردى بەرۋ قاعيدالارىن بەكىتۋ تۋرالى
«قازاقستان رەسپۋبليكاسىنداعى مەملەكەتتىك الەۋمەتتىك تاپسىرىس, ۇكىمەتتىك ەمەس ۇيىمدارعا ارنالعان گرانتتار جانە سىيلىقاقىلار تۋرالى» قازاقستان رەسپۋبليكاسىنىڭ 2015 جىلعى 12 ساۋىردەگى زاڭىنىڭ 4-1-بابىنىڭ 2-2) تارماقشاسىنا سايكەس بۇيىرامىن:
1. قوسا بەرىلىپ وتىرعان ۇكىمەتتىك ەمەس ۇيىمدارعا ارنالعان سىيلىقاقىلاردى بەرۋ قاعيدالارى بەكىتىلسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامامەن بەلگىلەنگەن تارتىپتە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋ ءۇشىن ەلەكتروندىق تاسىمالداعىشتا ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ, قازاقستان رەسپۋبليكاسى ءنورماتيۆتى قۇقىقتىق اكتىلەرىنىڭ ەتالوندى باقىلاۋ بانكىنە ەنگىزۋ ءۇشىن ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ وسى بۇيرىققا قول قويۋعا ۋاكىلەتتى تۇلعانىڭ ەلەكتروندىق تسيفرلىق قولتاڭباسىمەن كۋالاندىرىلعان ەلەكتروندىق تۇردەگى وسى بۇيرىقتىڭ كوشىرمەلەرىن جولداۋدى;
3) وسى بۇيرىقتى قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ مادەنيەت جانە سپورت ءمينيسترى ا.مۇحامەدي ۇلى
قازاقستان رەسپۋبليكاسى مادەنيەت جانە سپورت ءمينيسترىنىڭ
2015 جىلعى 22 جەلتوقسانداعى №407 بۇيرىعىمەن بەكىتىلگەن
ۇكىمەتتىك ەمەس ۇيىمدارعا ارنالعان سىيلىقاقىلاردى بەرۋ قاعيدالارى
1. جالپى ەرەجەلەر
1. وسى ۇكىمەتتىك ەمەس ۇيىمدارعا ارنالعان سىيلىقاقىلاردى بەرۋ قاعيدالار (بۇدان ءارى – قاعيدالار) ۇكىمەتتىك ەمەس ۇيىمدار ءۇشىن سىيلىقاقى بەرۋ ءتارتىبىن انىقتايدى.
2. ۇكىمەتتىك ەمەس ۇيىمدار ءۇشىن سىيلىقاقى (بۇدان ءارى – سىيلىقاقى) قازاقستان رەسپۋبليكاسىندا تىركەلگەن جانە «قازاقستان رەسپۋبليكاسىنداعى مەملەكەتتىك الەۋمەتتىك تاپسىرىس, ۇكىمەتتىك ەمەس ۇيىمدارعا ارنالعان گرانتتار جانە سىيلىقاقىلار تۋرالى» قازاقستان رەسپۋبليكاسىنىڭ 2005 جىلعى 12 ساۋىردەگى زاڭىنىڭ 5-بابى 1-تارماعىنىڭ 1) تارماقشاسىمەن (بۇدان ءارى – زاڭ) كوزدەلگەن باعىتتار بويىنشا ءوز قىزمەتىن جۇزەگە اسىراتىن ۇكىمەتتىك ەمەس ۇيىمدارعا (بۇدان ءارى – ۇكىمەتتىك ەمەس ۇيىمدار) بەرىلەدى.
3. سىيلىقاقى رەسپۋبليكالىق, سالالىق جانە وڭىرلىك دەڭگەيلەردەگى الەۋمەتتىك مىندەتتەردى شەشۋگە ايتارلىقتاي ۇلەس قوسقان ۇكىمەتتىك ەمەس ۇيىمدارعا بەرىلەدى.
4. سىيلىقاقى ۇكىمەتتىك ەمەس ۇيىمدارمەن ءوزارا ءىس-قيمىل سالاسىندا ۋاكىلەتتى ورگانمەن (بۇدان ءارى – ۋاكىلەتتى ورگان) بەرىلەدى.
5. ءبىر نەمەسە بىرنەشە نوميناتسياداعى سىيلىقاقى زاڭمەن كوزدەلگەن ءاربىر باعىت بويىنشا انىقتالادى.
6. سىيلىقاقىنى الۋعا سول ءبىر عانا ۇكىمەتتىك ەمەس ۇيىمداردى قاتارىنان ءۇش جىل ىشىندە قايتا ۇسىنۋعا جول بەرىلمەيدى. سول ءبىر عانا ۇكىمەتتىك ەمەس ۇيىم سىيلىقاقىنى الۋعا ءبىر نوميناتسيادان ارتىق نوميناتسيا بويىنشا ۇسىنىلا المايدى.
7. ءبىر نوميناتسيا بويىنشا سىيلىقاقى ءبىر نەمەسە ءبىر مەزگىلدە بىرنەشە ىزدەنۋشىگە بەرىلۋى مۇمكىن.
بۇل جاعدايدا سىيلىقاقى ولاردىڭ اراسىندا تەڭ بولىنەدى.
8. سىيلىقاقىنىڭ ەڭ تومەنگى مولشەرى رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ ەكى مىڭ ەسەلەنگەن مولشەرىن قۇرايدى.
2. سىيلىقاقىلاردى بەرۋ ءتارتىبى
9. ۋاكىلەتتى ورگان سىيلىقاقىنى الۋ ءۇشىن ۇكىمەتتىك ەمەس ۇيىمداردى ۇسىنۋ جونىندە سۇرانىمداردى (بۇدان ءارى – سۇرانىم) قابىلداۋ تۋرالى حابارلاندىرۋدى جىل سايىن 1 شىلدەدەن كەش ەمەس رەسپۋبليكالىق باسپاسوزدە ورنالاستىرادى.
10. سۇرانىمدار ۇكىمەتتىك ەمەس ۇيىمدارمەن, مەملەكەتتىك ورگاندارمەن ۋاكىلەتتى ورگانعا جىل سايىن 1 قىركۇيەككە دەيىن جولدانادى.
11. سۇرانىمعا كەلەسى قۇجاتتار ۇسىنىلادى:
1) ءبىرىنشى باسشى نەمەسە ونىڭ مىندەتىن اتقاراتىن تۇلعا قول قويعان ۇكىمەتتىك ەمەس ۇيىمنىڭ, مەملەكەتتىك ورگاننىڭ رەسمي بلانكىندە (ا4 فورماتىنداعى ەكى پاراقتان كوپ ەمەس) ۇسىنىس;
2) ۇكىمەتتىك ەمەس ۇيىمنىڭ قىزمەتى, جۇمىس تاجىريبەسى, ايماقتا جانە/نەمەسە مەملەكەتتە ازاماتتىق قوعامنىڭ دامۋىنا الەۋمەتتىك ۇلەسى تۋرالى انىقتاما;
3) ۇكىمەتتىك ەمەس ۇيىم قىزمەتىنىڭ سوڭعى جىل كەزەڭىندەگى جەتىستىكتەرى تۋرالى قىسقاشا مىنەزدەمە;
4) ۇكىمەتتىك ەمەس ۇيىم قىزمەتى تۋرالى قوعام (باسقا ۇكىمەتتىك ەمەس ۇيىم) وكىلدەرىنىڭ ۇسىنىمدارى (ەكى ۇسىنىمنان كەم ەمەس).
12. ۋاكىلەتتى ورگان ۇسىنىلعان قۇجاتتاردى 11 جەلتوقساننان كەشىكتىرمەي قاراستىرادى.
13. قۇجاتتاردى قاراستىرۋ ءۇشىن ۋاكىلەتتى ورگان كونكۋرستىق كوميسسيانى قۇرايدى. كونكۋرستىق كوميسسيانىڭ قۇرامىنا ۋاكىلەتتى ورگاننىڭ, مەملەكەتتىك ورگانداردىڭ وكىلدەرى مەن سىيلىقاقىنى بەرۋ باعىتتارىنا سايكەس ماماندار, ساراپشىلار كىرەدى.
14. ۋاكىلەتتى ورگان سۇرانىمداردى قابىلداۋ مەرزىمى وتكەن كۇننەن كەيىن ون جۇمىس كۇننىڭ ىشىندە كونكۋرستىق كوميسسياعا قۇجاتتاردى قاراۋ ءۇشىن جولدايدى.
15. كونكۋرستىق كوميسسيا سۇرانىمداردى قاراۋ ناتيجەسىندە كانديداتۋرالاردى ىرىكتەيدى جانە نوميناتسيالار بويىنشا سىيلىقاقىلاردى بەرۋ ءۇشىن كانديداتۋرالار بويىنشا ۇسىنىستاردى ۋاكىلەتتى ورگانعا ەنگىزەدى.
16. كونكۋرستىق كوميسسيانىڭ ۇسىنىستارى حاتتامامەن راسىمدەلەدى جانە وعان كونكۋرستىق كوميسسيا مۇشەلەرىنىڭ قولدارى قويىلادى.
17. كونكۋرستىق كوميسسيا قاراستىرعاننان كەيىن ۋاكىلەتتى ورگان قۇجاتتاردى جانە كونكۋرستىق كوميسسيانىڭ حاتتاماسىن ۋاكىلەتتى ورگان جانىنداعى ۇكىمەتتىك ەمەس ۇيىمدارمەن ءوزارا ءىس-قيمىل جونىندەگى ۇيلەستىرۋ كەڭەسىنە (بۇدان ءارى – ۇيلەستىرۋ كەڭەسى) ەنگىزەدى.
18. ۇيلەستىرۋ كەڭەسى قۇجاتتاردى, كونكۋرستىق كوميسسيانىڭ حاتتاماسىن قاراستىرادى جانە نوميناتسيالار بويىنشا سىيلىقاقىلاردى بەرۋ ءۇشىن ۇسىنىلعان كانديداتۋرالار بويىنشا نەگىزدەلگەن ۇسىنىمدارمەن شەشىمدى ۋاكىلەتتى ورگانعا ەنگىزەدى.
19. ۇيلەستىرۋ كەڭەسىنىڭ شەشىمى حاتتامامەن راسىمدەلەدى جانە وعان ۇيلەستىرۋ كەڭەسى مۇشەلەرىنىڭ قولدارى قويىلادى.
20. ۋاكىلەتتى ورگان ۇكىمەتتىك ەمەس ۇيىمدارعا سىيلىقاقىلاردى بەرۋ تۋرالى شەشىم قابىلدايدى جانە قابىلدانعان شەشىم تۋرالى مەرزىمدى باسپا باسىلىمداردا جاريالايدى.
21. قابىلدانعان شەشىمگە سايكەس ۋاكىلەتتى ورگان ۇكىمەتتىك ەمەس ۇيىمدارعا وسى قاعيدانىڭ قوسىمشاسىنا سايكەس نىسان بويىنشا ديپلومدى تابىستايدى جانە سىيلىقاقىنى ۇكىمەتتىك ەمەس ۇيىمنىڭ ۇسىنعان سۇرانىمىندا كورسەتىلگەن بانك شوتىنا اۋدارادى.
ۇكىمەتتىك ەمەس ۇيىمدارعا ارنالعان سىيلىقاقىلاردى بەرۋ قاعيدالارىنا قوسىمشا
نىسان
ۇكىمەتتىك ەمەس ۇيىمدارعا ارنالعان
سىيلىقاقىنىڭ لاۋرەاتى
ديپلوم
_________________________________________
(ۇكىمەتتىك ەمەس ۇيىمنىڭ اتاۋى)
_________________________________________
_________________________________________
ءۇشىن بەرىلدى.
قازاقستان رەسپۋبليكاسى
مادەنيەت جانە سپورت ءمينيسترى ____________________________________________
(تەگى, اتى, اكەسىنىڭ اتى (بار بولعان جاعدايدا), قولى)
استانا, 20__ جىل
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12664 بولىپ ەنگىزىلدى.